منطق القوة في امتحان البجروت
مرحبا للجميع …
منطق القوة ما بنحصر فقط في استعمال العضلات وانما هناك ايضا منطق للقوة في المدرسة والتعلم وحتى في امتحان البجروت … انا ما بحكي هون عن القوي الي بدو يعربد على المراقب او المراقبة عشان يعرف يغش كيف بدو … انا بقصد عن منطق القوة في تسخير اسم المعلم وهيبتو لمصالح شخصية … لكن هالنوع من القوة هو خسيس ومش عادل … ايش يعني يجي المعلم يدخل ابنو على صف غير الصف الي ولاد صفو فيو … عشان يفوتلو حل لشي امتحان ؟؟ وين العدل ووين القيم الي بتعلمنا عليها يا استاذ ؟؟ بدك تسوجر ابنك بالجامعة ؟؟ طيب مأبنك فكش ومش عارف يدبر حالو … او بالاحرى لونك تتركوا لحالوا بدون ادخال حلول كان من اول بجتهد … بس انتي علمتو على قلة الخواص … قال بستحي المعلم انو ابنو يكون بصف ادبي … لا انا مستوى ابني لصف علمي ومرات بروحوا منهن وبدخلوا ولادهن لصف الفيزيا … يعمي ابن مستوى اعلى من البيولوجيا !!
انا بحكي هالحكي ومش بالضرورة انو بسير بمدرستي … انا بحكي بشكل عام بالوسط العربي … فش حدا احسن من حدا وكلمة الحق بقولها … بجي البجروت وبكون الولد او البنت مخططين مسبقا انو مش رح يدرسوا … لويش يعملوا هيك وهو الحل فايت ؟؟ ومرات في نماذج بجروت ما بمسكها الولد … بتنحل وبحط عليها ملصق اسمو وهو بكنش بالمدرسة اصلن وبتتسلم وبوخذ علامة عالية … واذا بكون المعلم او المدير عندو شوية حيا … قال بخلي ابنو يجي على المدرسة بس عشان يشوفوا انو اجا … عشان ما يعمل حولي علامات سؤال …
بس يجي المراقب الكبير ” البكّار ” … بفوت عند المدير … كيف حالك شو الاخبار … شو تشرب خيا ؟؟ والله اهلن وسهلا زارتنا البركة … بعد شوي بسير المدير يلمّح للمراقب انو بدو يفوت لابنو حل او على الاقل يزبطو بالامتحان … بقلو المراقب من عيوني واذا كان عندو نزاهة برفض بس بدون ما يوصل هالحكي لفوق …
انا ما بجمع وما بحط كل مدراء ومعلمين المدارس بخانة ” غير النزيهين ” لكن في نسبة كبيرة من هالنوع واذا استرجى شب او بنت يفتح ثموا بخسفوا بالعلامة الواقية “المجين ” يعني قمة المسخرة صارت بمدارسنا وبالاخر قال بدنا مساواة مع اليهود … اني مساواة واحنا بعدنا غشاشين وبنركن على النقل !!؟
انا ما بعمل حالي ملاك نازل … واذا اتيحت الي الفرصة اجيب حل من استاذ ما بقول لا بالمرة … اليوم صعب نحكي عن مثالايات …. يعني مش هويّن اقول والله انا برفض انو يجيلي مساعدة من استاذ لاني بدي اجيب العلامة بجدارتي … هالحكي يا حبيبي من زمان خلص تاريخو … لانو ما بسير انت تدرس تدرس بالاخر تجيب 75 وابن الاستاذ الفلاني ما بعرف عن شو المادة ويجيب 100 !! كيف بدك اعود اركن على حالي او اقرر اني ادرس بعد هالحكي كيف ؟؟ العالم كلو واسطات اليوم والشاطر يستغل الواسطات لكن بدون ما تخلي حالك عبد عند صاحب الواسطة … اذا بدوش للعمى واوعك تترجّى حدا … انزل اشتغل بالحجر وبالحم وخليك بكرامتك ولا تروح تترجى حدا عشان واسطة الا كانت واسطة بدون شروط … يعني واسطة عن عشم ومحبة .
مش حابب اطوّل بالحكي صراحة اني بعتقد انو الفكرة وصلت وبالنهاية نصيحة لكل واحد شايف انو فش عدل بمدرستو يروح يواجه المدير او يحاول يوقعو او يبعث مكتوب للوزارة … فش فيها ولشي بس طبعا مش تبعث مكتوب فاضي ملان … ابعث مكتوب مع مواد واثباتات دامغة علي صار قدامك مع ولاد المعلمين … ممكن قسم من الناس ” ابوي وابوك ” يقولولنا انضب يا احنا مش قدهن هذول الناس بعدين انتي مالك بابن الاستاذ يتشحر ويجيب مليون مش بس 100 المهم انت توخذ العلامة بجدارتك … اذا بحكيلكوا اهلكوا هيك ما تردوا بالمرة … لانو حكيهن مجرد ازالة حمل عن كتافهن لانهن بشعروا بالضعف وعدم القدرة على التحرك من اجلك … عشان هيك اعمل الي بتشوفوا مناسب عشان تنجح … اذا بدك انجح بالبجروت لويش بتخليني ادرس ؟؟ مش مهم بجروت كامل ؟ خلص بجيبوا وبعلامة ممتازة بس المهم ما تسألني كيف جبتو !!
سلامات
حكيك 100%
كل الاحترام
realy
يونيو 9, 2008 في 5:55 م
شكرا كثير على مرورك الجميل وتعليقك الاجمل … بتمنى تشاركنا دايما .
EbNCaNa
يونيو 9, 2008 في 10:42 م
سلام عليكم …
على فكرة .. لا شماتة .. ولكن قريب لي يصلح بجروت لغة انجليزية لمدارس الشمال .. سألته عن الوضع هناك قال لي : ” مَسِح ” .. قلت له : ماذا تعني .؟ قال لي .. ” كُلّهُم حَشاد ” !! .. أكثر نسبة حشاد في اسرائيل هيَ اولاً عند البدو ثانياً عندكم في الشمال .. وبعدها عند اليهود ” المتدينين “!
عند اليهود ليس هناك غش .. لدي زميلة تقول لي … ما هذا .. كيف تحصلون على علامات كاملة كلكم … نحن بالكاد نحصل على معدل 90 ..
غير الغش .. هناك ظاهرة كَب علامات .. او مش كب .. انما فيضانات من العلامات .. يعني تستغرب .. واحد عندو 40 في العلامة الواقية … يخرج من غرفة المعلم ” مزغرداً ” : ” مجيني 100 ” وهو مكيّف على حالو .. يعني بصراحة عيونك بصيرو بالطّول !! طب يا عمي مبيرح كان عندو 40 … وطبعاً في البجروت الغش قايم قاعد فال 100 بوخدها من ولاد صفو .. او حدا بزرقلو ورقة حل ..
على كلّ زي ما انت قلت .. انا بني ادم دارس وجاي احل الامتحان .. وفي غش .. بتساعد فيهم اذا علّقت بسؤال .. مش معقول كل الصف قاعدين بحلو بورقة عمل الا اناقاعد\ة زي الولد الشاطر – البنت الشاطرة …
والله المستعان ..
AL- rumayda2
مارس 29, 2009 في 11:06 ص
اهلن فيكي اختي الرميضاء ,
جميل تعليقك وكلامك صحيح 100% وانا صراحة هيني اكلتها على جلدي , حاولت ادخل حل خاص فيي وعامل حساب ما اعطي لحدا بالغرفة , لكن صاروا من جديد يجيبوا دوريات بوليس قدام المدرسة , يعني اللعب الي لعبوا الاجيال الي قبلنا مش رح يصحلنا نلعبوا , واسا هيني بتعلم دروس خصوصية بموضوع الرياضيات بس عشان افتك من هالوحدة واخذ الزكئوت , يعني مش رح اكون اهبل وانزل على البجروت واجيب حشاد !! يعني غلطت مرة مش رح اعيدها واكون الحلقة الاضعف .
شرفتينا وان شاء الله بتشاركينا دائما .
EbNCaNa
مارس 29, 2009 في 2:18 م