EbNCaNa

السلام عليكم

اخواتي واخواتي معي اليوم درس مهم جدا لكل شخص يريد ان يبدأ البرمجة في عالم لغة php … هالدرس فيو شرح بالصور وبالتفصيل لكيفية تنصيب السيرفر المحلي appserv 2.5.9 على الجهاز عندك … الفائدة من هالسيرفر انو انو بحول جهازك لسيرفر عادي وهالشي بقدر يخليك كل ما تعمل برمجية بلغة php تجربها علي … يعني بدون ما يكون عندك انترنت وبدون ما تدور على مواقع تجرب عليها الكود الي عملتو … بتقدر تخلي الكود بجهازك وتجربو على هاض السيرفر الي ببساطة بشمل محرك للغة php بشكل كامل مع قواعد بيانات mysql ومع مدير قواعد البيانات phpmyadmin .

بعد ما نسخنا وكلو تمام بنروح على متصفح الانترنت وبنكتب فيو http://localhost/ وهذا بكون رابط السيرفر الشخصي … وعشان تسير تنزل فيو ملفات php وتجربها بتروح على البارتشن الي نسختو فيو وعادة بكون C:\AppServ وهناك بتفوت على المجلد www وبتحط فيو اي ملف بدك … مثال بدنا نحط ملف اسمو ebncana.php ونشوفو عن طريق المتصفح شو بنعمل ؟؟

1- بننقل الملف الي برمجنا على المجلد www الي موجود بالمجلد AppServ وهذا الرابط الكامل للمجلد C:\AppServ\www .

2- لما بدنا نشغل الملف عن طريق متصفح الانترنت حتى لو كان الانترنت مقطوع رح يشتغل … بنكتب هيك بالمتصفح http://localhost/ebncana.php .

طبعا اذا عنا مشروع برمجي كبير وبدنا نحطو بمجلد مستقل فش اي مشكلة … بعمل مجلد جديد وبعدين بننقلو على www وبعد localhost بالمتصفح بتكتب اسم المجلد الي فيو الملفات البرمجية .

رابط تحميل السيرفر الشخصي appserv 2.5.9

هاي كل القصة واي سؤال او استفسار ما حدا يتردد ورح اجاوب باسرع وقت ممكن .

سلامات .