زمان ومدة !!
مرحبا للجميع … شباب وصبايا كيف حالكوا شو الاخبار كلو تمام ؟؟ بتمنى يكون هيك p:
اول شي بحب اعتذر بشدة عن فترة هالغياب الي بعتبرها شوي طويلة … صراحة كثرة الاشغال والاعمال ماخذة الكم الاكبر من وقتي وما بلاقي وقت فراغ بالمرة تقريبا … بلشت اشتغل بمحل كمبيوتر عنا بالبلد ومبسوط بشغلي … بشتغل هناك من الساعة 9 للساعة 6 المغرب وبروح كمان بكمل شغلي ببرمجة وبناء المواقع بالبيت تقريبا بضل اشتغل للساعة 10 وبعدها بقعدلي شوي على التلفزيون وبروح انام وثاني يوم نفس الشي … الشغل صار روتين وخايف مع الوقت ازهق . بس على كل حال اذا بضل على اتصال معكوا حبايبي اكيد مش رح أيأس … رح احاول باقرب وقت اكتب كم موضوح حلو ومعبر … كمان اسبوعين رح اعمل امتحان الاعادة لبجروت الرياضيات بمستوى 4 و 5 وحدات ادعولي ازبط …
بخصوص الشغل على صعيد برمجة المواقع … انتهيت من برمجة برنامج ادارة المحتوى على شبكة النت وسميتو MyWs وبلشت بتسويق البرنامج والحمد لله حاز على رضى الزبائن وبتمنى يكون عندي وقت بالقريب عشان انتهي من موقع خاص بالشغل واعرض فيو احدث المواقع الي اشتغلتها ومواصفات البرنامج وهيك .. شرح مفصل عن هذا البرنامج رح اعرضو قريبا بموضوع خاص ومفصل .
بتمنى نكون على اتصال دايما وحظ موفق لكل الزوار .
سلامات حبايبي .
